【送花送幾多枝？一文了解送花數量意思】

送花應該送幾多枝？送花數量意思又係咩呢？台灣著名歌手邰正宵嘅九百九十九朵玫瑰，代表天長地久、無盡的愛，但能送出999朵玫瑰嘅人唔多，一枝玫瑰平極都廿幾蚊，成兩萬蚊買束花，不如買一個新包包，要表達自己嘅感受、感情，唔一定要幾百枝花咁送嘅，就算只係送一枝花，亦有佢嘅意義。

1枝玫瑰花：一見鍾情、心內唯一

玫瑰花送一枝花並不一定代表佢孤寒，一枝玫瑰花代表一見鍾情的愛情，一見鍾情代表女方一直係男生最愛的理想型，所以一見愛上，亦視女方為心中唯一，跨過友達以上戀人未滿嘅階段就非常啱用。

3枝玫瑰花：我愛你

送三枝玫瑰花代表著表達我愛你嘅情感，當戀人發展咗一時間，由喜歡到愛，尤其共渡第一個情人節，加強「我愛你」的感染力。

9枝玫瑰花：相愛長久、長相廝守

九枝玫瑰花一般都係表達愛情長長久久，包括9枝、99枝、999枝，女士雖然會以花嘅多寡定義誠意，但唔代表送幾百枝就係好，第一太重、第二嘥錢，所以想表達相久的愛情，99枝仍然係最多人嘅選擇。

11枝玫瑰花：一生一世、一心一意

十一枝玫瑰表達一生一世之情，亦即婚姻之意，雖然求婚送11枝玫瑰求婚成功機會較低，誠意不足影相又冇feel，由於婚姻最緊要長長久久，所以老早已經俾99枝玫瑰取代。

24枝玫瑰花：一日24小時都掛住你

送花數量同戀愛嘅時間不一定成正比，廿四枝玫瑰花表達一日掛住你24小時，通常係被暗戀困擾，想進一步又冇膽嘅階段，想突破暗戀就要大膽啲表達，暗下暗下就會黑。

36枝玫瑰花：我心屬於你

36枝玫紅花有著非常浪漫的意思，特別適合熱戀中嘅情侶，當男生將花送俾女方嘅時候，亦響果一刻將自己嘅心交俾女方，代表男方好重視呢段關係。

50枝玫瑰花：愛你無怨無悔

50枝玫瑰花表達無怨無悔的愛，一段戀愛必須經過一段可歌可泣的煎熬，雙方跨越困難仍不離不棄，先至稱得上係無怨無悔。

88枝玫瑰花：對不起

88枝玫瑰花唔係用嚟表達愛意，反而係寓意道歉、用心彌補錯誤，88係「拜拜」嘅代替詞，有人話88 枝玫瑰花代表分手，無稽之談，都分手仲送花？仲要送成88枝？男人又好女人又好，總會犯錯，如果咁幸運得到另一半原諒，餘生用心彌補自己嘅錯誤，88枝玫瑰亦非常有誠意去表達歉疚之情。

100朵玫瑰花：百分之百愛你

100枝玫瑰就係赤裸表達百分之百嘅愛意，一般適用於求婚、熱戀期，婚後有咗小朋友好難做到百分之百嘅愛，總會流向小朋友身上，而小朋友亦成為父最好的愛情調味品。

當然除咗以上仲有其他選擇及意義，不過本文集中講比較常見嘅數量組合及其意思，相信可助你在每個戀愛階段送出合適數量嘅花，不過女人係感性嘅動物，只要你表達出你嘅用心，一般都會備受感動，HKfashop香港網上花店專營鮮花花束及鮮花花盒，你可以在網上訂購鮮花，然後預約送花或即日送花，預約送花的話購物滿$750即可享免運費送花服務（偏遠地方有機會加收運費），如果選擇即日送花請先聯絡我們確認是否有該花材及送花時間，你可隨時whatsapp我哋查詢鮮花產品嘅訂購詳情。