【關於玫瑰花的10件事】

玫瑰花係男女都唔會陌生嘅花種，每一段戀愛無論係轟轟烈烈定平平靜靜，玫瑰花都唔會缺席，送花寄意起源於壯族嘅生養儀俗，鮮花果時被視為嬰兒化身，白花為男、紅花為女，以舞獅登門送花寄予祝福，一般贈予白花祝福早生貴子。以花贈人多配合花的數量及花語，玫瑰花花語是熱戀、熱情、熱愛，表達愛意、情意、誠意都會用紅玫瑰表達，淨係求婚紅玫瑰成為不可或缺的存在，既然係咁重要嘅花種，本文同大家分享關於玫瑰花的10件事，等大家對玫瑰有更深入嘅認識，你會發現玫瑰花並不簡單。

關於玫瑰花的10件事目錄

玫瑰花竟然有超過100個品種？
玫瑰花竟然高達10種顏色？
玫瑰花數量的含意？
全球最貴嘅玫瑰花係邊種？
玫瑰花點解有刺？
玫瑰花點養會長命啲？
玫瑰花的顏色配襯？
玫瑰花可以食用？
玫瑰花浸浴有咩功效？
不同顏色嘅玫瑰花嘅愛好者，都帶住咩性格？

玫瑰花竟然有超過100個品種？

大家成日見到嘅玫瑰花顏色可能唔同，但可能品種都係果幾種，唔講唔知，全球玫瑰花的品種超過100種，當然有冇一啲我地仲未知嘅品種咁肯定仲有，不過可能大家都未必會接觸到，就算係以下嘅100種已知玫瑰花品種，你亦未必種種見過。

紅玫瑰系列 : 榴花秋舞、卡羅拉、皇家胭脂、紅色伊甸園、紅達月季、王子、無條件的愛、我的心、天方夜譚月季、珊瑚玫瑰、威廉莎士比亞、莎薩九零、葡萄冰山、男爵、荷花薔薇、厄瓜多爾玫瑰、達西、大桃紅、LD布萊斯維特、曼斯特德伍德、皮拉蒂的玫瑰、湯姆奧桑特、年輕的利西達斯、黑魔術、夏日之歌等。

黃玫瑰系列 : 蜜桃雪山、朦朧的朱睇、浪漫寶貝、金香玉、金枝玉葉、假日公主、和音、利亞圖圖、利奇菲爾德天使、蜂蜜焦糖、碧翠絲、查爾斯達爾文、艾瑪漢密爾頓夫人、朱麗葉玫瑰、巴特卡普、歡笑格魯吉亞、馬文山、莫林紐克斯、甜蜜朱麗葉等。

白玫瑰系列 : 坦尼克、哈迪夫人、格拉姆斯城堡、心之水滴等。

粉紅玫瑰系列 : 粉佳人、可愛多、蝴蝶夫人、珊瑚果凍、糖果、蘇醒、瑞典女王、瑪利亞、龍沙寶石、超級童話、戴安娜、草莓山、自由精神、伊芙伯爵、艷粉、雪山、格特魯德傑基爾、哈洛卡爾、康斯斯普賴、狂野艾德里克、奎克利夫人、莫蒂默賽克勒、威基伍德、銀禧慶典等。

藍玫瑰藍色妖姬，以白玫瑰為原料，經過人工染成深邃藍色，數量稀少，較為珍貴。

紫玫瑰系列 : 冷玫瑰、紫皇后、藍寶石、海洋之歌、泰姬、葡萄園之歌、安琪兒、紫影、安妮公主、菲爾柴爾德、修女伊麗莎白等。

漸變色系列 : 紅袖玫瑰、金輝玫瑰、亞伯拉罕、遙遠的鼓聲、小白兔、銅管樂隊、雙色粉、太子妃、腮紅門廊、摩納哥公爵、奶油龍沙、彩紅玫瑰、about face、誘惑、舞後玫瑰、慷慨的園丁等。

玫瑰花竟然高達10種顏色？

雖然大家對玫瑰呢嘅第一印象係紅色，但其實常見嘅玫瑰花嘅顏色高達10種，而唔同顏色嘅玫瑰花顏有唔同嘅花語：

紅色玫瑰：浪漫熱情的愛
粉紅玫瑰：初戀萌動的愛
橙色玫瑰：青春激情的愛
黃色玫瑰：帶著歉意的愛
綠色玫瑰：永不老去的愛
藍色玫瑰：命中注定的愛
紫色玫瑰：承諾守護的愛
白色玫瑰：純潔無瑕的愛
蜜桃玫瑰：友達以上的愛
裸色玫瑰：愛上最真的你

玫瑰花嘅唔同顏色取決於多種因素，包括花瓣中所含嘅花色素、環境因素及基因變異等 :

花色素：花色素是一種可以吸收特定波長光線嘅色素，唔同類型嘅花色素會決定玫瑰花嘅顏色。例如，紅色玫瑰花嘅顏色係由一種花色素叫做花青素決定，花青素可以吸收綠色及黃色嘅光線，反射紅色及藍色嘅光線，從而呈現出紅色。
環境因素：環境因素也會影響玫瑰花嘅顏色。例如，土壤嘅酸鹼度、營養成分、光照強度及持續時間等都可能影響花嘅顏色。唔同環境下，同一種玫瑰花的顏色亦可能會有所不同。
基因變異：基因變異亦會影響花色，不同基因組合會導致花色發生變化。例如，一些玫瑰品種基因組合變異會導致花呈現出淺粉色或白色。

玫瑰花數量有咩意思？
送唔同數量嘅玫瑰花原來表達緊唔同意思，通常透過該數字的外型、讀音、成語相關等套用在愛情上，你可以因憑你想表達嘅情感，選擇送相對應數量嘅玫瑰。

1朵玫瑰花：心中唯一
2朵玫瑰花：世上只有我倆
3朵玫瑰花：我愛你
4朵玫瑰花：至死不渝
5朵玫瑰花代：由衷欣賞
6朵玫瑰花：互敬互愛互諒
7朵玫瑰花：暗戀
8朵玫瑰花：感謝對象的關懷扶持及鼓勵
9朵玫瑰花：長長久久
10朵玫瑰花：十全十美
11朵玫瑰花：一生一世、一心一意
12朵玫瑰花：心心相印、比翼雙飛
13朵玫瑰花：一生的愛
14朵玫瑰花：一世的愛
15朵玫瑰花：感到歉意
16朵玫瑰花：愛情順利如意
17朵玫瑰花：絕望、無可挽救
18朵玫瑰花：青春、真誠與坦白
19朵玫瑰花：忍耐與期待
20朵玫瑰花：此情不渝
21朵玫瑰花：專一愛你
22朵玫瑰花：雙雙對對
24朵玫瑰花：一日24小時的想念
25朵玫瑰花：祝你幸福
30朵玫瑰花：感謝緣份
36朵玫瑰花：心只所屬
40朵玫瑰花代表：誓死不渝的愛情
50朵玫瑰花代表：無怨無悔的愛
99朵玫瑰花代表：天長地久
100朵玫瑰花代表：百分之百的愛

全球最貴嘅玫瑰花係邊種？

香港人常見的玫瑰是卡羅拉，卡羅拉嘅顏色豔紅，係紅玫瑰中嘅頂級品種，花色係最接近標準玫瑰紅，市價一般$10以下有交易，情人節另計，雖然係咁，但同全球最貴嘅品種仍差咗十萬八千里遠，玫瑰的價錢高低，主要在於成色、外表、產地、成熟期等，而首位全球最貴玫瑰花-朱麗葉玫瑰高達$1600萬美元。

朱麗葉玫瑰產地源自英國，成色淡茶色，香味較淡，具有老玫瑰嘅花環形式格調高雅，花瓣可達90片非常有睇頭，而咁貴嘅原因係因為朱麗葉玫瑰每次開花期需要15年，係珍貴嘅，不過$1600萬美金值唔值見人見智。

玫瑰花點解有刺？

玫魂花有刺，係植物生存法則，有人話女士嘅高冷係保護自己嘅武器，玫瑰身上嘅刺作用一樣，為咗避免動物、鳥類將自己當做食物，所以長出堅硬而銳利的花刺，當中嘅花刺如果傷害到你，就證明你對玫瑰嘅認識唔夠，而套用愛情上，就代表你對女朋友的了解不足，誤踩地雷激嬲女朋友而受到教訓，但咁樣先係真正嘅愛情。

玫瑰花點養會長命啲？
女士收到玫瑰花，第一反應一定係開心，跟全就開始諗咁大束花點攪？掉咗佢又嘥，但又唔識養，唔駛擔心，呢度提供一啲玫瑰養殖小貼士，延長玫瑰花的壽命：

先清除玫瑰底層葉片，葉片浸水會腐爛影響水質。
入花樽前用剪刀呈45度角斜剪花莖，玫瑰花莖保留一定長度，切口接觸水的面積變大，玫瑰更加有利於吸水。
切口都變黃發爛，則繼續向上斜剪花莖，所以品可以剪太短。
花樽水最好每日換，隔一日洗一次花樽內部，清理果層滑潺潺嘅質感。
放置花樽的地方不能太曬、太乾，保持水分蒸發低速，選擇陰涼處較好。
花瓣唔好掂水，否則容易爛。
最後，響花樽水中加入花卉保鮮劑，增強營養並殺菌。

玫瑰花的顏色配襯？
如果想送有特色嘅玫瑰，可以將唔貼顏色嘅玫瑰集中響同一束花，顏色配搭其實冇黃金定律，一般都係睇個人喜好，但坊間都會深色搭淺色玫瑰搭配、裸色系玫瑰的搭配、亦可以配搭其他花種，深色搭淺色可以突顯深色花材的顏色、同色或裸色系會突顯和諧感，有關自訂花束或者度身訂造花藝產品可以與花藝師溝通。

玫瑰花可以食用？

成日聽人講玫瑰花茶，收咗玫瑰花可唔可以用嚟泡茶呢？絕對唔係，常見嘅可食用玫瑰有5種，分別係大馬士革玫瑰、平陰玫瑰、苦水玫瑰、滇紅玫瑰及墨紅玫瑰，呢5種係已知可食用，當然肯定咁多種玫瑰唔止5種玫瑰可食用，但有毒素嘅玫瑰亦比比皆是，而坊間常見嘅玫瑰花茶、玫瑰糖、玫瑰花餅，甚至作為素食食材都可以由而家常見可食用玫瑰花種提煉或取材，所以大家都唔需要開發新的食用玫瑰，以免影響健康。

玫瑰花浸浴有咩功效？

玫瑰花唔可以亂食，咁如果浸返個玫瑰浴，又係咪冇限制呢？所謂玫瑰浴即係響浴缸放水後，加入大量玫瑰花瓣，令水充滿玫瑰花香，再用嚟浸浴，玫瑰花有行氣、活血作用，改善體虛，玫瑰透發清涼，清熱降火，對女士嘅心火過盛及皮膚保養都有改善作用，最好每日使用。

雖然玫瑰花浴最好係用新鮮玫瑰花瓣，但而家為咗方便都市人使用，坊間有唔少玫瑰乾花瓣用於玫瑰泡浴，對於浸浴嘅玫瑰並無咩規矩限制，把玫瑰花花瓣撒入浴缸享受玫瑰浴可以放鬆心情，如果長期堅持，唔噴香水都會有一種低調嘅花香。

不同顏色嘅玫瑰花嘅愛好者，都帶住咩性格？
紅玫瑰嘅Fans:

真性情，脾氣話上就上，但話走就走，缺乏安全感，希望自己男朋友可以將自己放響焦點位置。

粉紅玫瑰嘅Fans:

鐘意粉紅玫瑰嘅女生都比較可愛，重視外表，溫柔亦願意付出，對戀愛充滿幻想。

橙玫瑰嘅Fans:

比較內斂，喜歡橙色玫瑰嘅女生一般想戀愛，但唔會追求或者表達出嚟，亦唔會貿然開始戀愛。

黃玫瑰嘅Fans:

重視面子、尊嚴，響戀愛中好機會係強勢嘅一方，喜歡浸淫在別人關注、羨慕的目光，但內心常有孤獨及自卑感。

綠玫瑰嘅Fans:

重視家人，善良及溫柔。喜歡綠玫瑰的女生好識照顧人，非常重視屋企人，包括雙方屋企人，係名副其實嘅御姐型。

藍玫瑰嘅Fans:

自律、有目標志向。喜歡藍玫瑰的女生都比較理性，做事有條理，會為理想奮鬥、享受過程。

紫玫瑰嘅Fans:

一方面想要戀愛，但又怕有責任包袱。喜歡紫玫瑰的女生，不是不愛，但需要很大自由度，真係要發展需要對對方有相當信任。

白玫瑰嘅Fans:

性格平易近人，比較直率。喜歡白玫瑰的女生一般比較冇機心，偏向鍾意平平穩穩嘅生活，但容易有感情潔癖，男女關係複雜嘅愛情絕不考慮。

蜜桃玫瑰嘅Fans:

重視自己形象，在意他人看法。喜歡蜜桃玫瑰嘅人往往會響他人面前保持最美狀態，遇到適合的對象會主動出擊，亦願意為對方付出。

裸色玫瑰嘅Fans:

安全感低、行事小心。喜歡裸色裸色玫瑰嘅人都比較防衛心強，就算再鐘意都唔會輕易開始戀愛，需要更多的觀察、考驗先會慢慢考慮，對太熱情嘅人會有戒心。

HKfashop 嘅玫瑰花選擇多元，除咗有各個色系嘅玫瑰選擇外，想自訂花束可以聯絡我哋嘅花藝師，根據你要求嘅風格、喜好、目的設計獨一無二嘅花藝產品，送花服務包括預約送貨、即日送貨、指定時間送貨，預約送貨購物滿$750即享免運費優惠，即日送貨及指定時間送貨請聯絡我哋幫你人手安排，歡迎隨時瀏覽我哋網站或者WhatsApp我哋查詢訂購詳情。