【點解女朋友有嘢唔直接講？】

點解女朋友有嘢唔直接講，要你估相信大家都經歷過，通常女朋友或者老婆被你激嬲咗，都會同你講冇嘢，但黑口黑面唔理你，經過你堅持不懈、扭轉六壬嘅口才，女朋友終於同你講，佢係嬲咗你，但原因你就要自己估，諗住強行認錯？無用，無誠意，你估唔到原因，件事就永遠完唔到，大陸有所謂嘅「直球式戀愛」，指女方無論遇到任何不滿男生嘅行為，都會直接了當講出口，唔需要估，但網民指只有科幻片先會出現嘅呢種女人，但當你了解女人嘅思考模式後，你會發覺佢哋嘅思維方式咁特別，只係因為太在乎你。

女朋友有嘢唔直接講幾乎每日都會發生，當你問佢想食咩嘅時候，答案遇常會係你揀或者是但，但當你真係揀自己鍾意嘅嘢食，再同佢提出嘅時候，佢就會ban、ban 、ban，你將選擇權俾返佢，就會聽到同樣嘅答案，無限輪迴令男生身心俱疲，點樣可以突破輪迴空間？

危險指數：難攪

心態分析：測試你平時對佢說話上唔上心、對佢嘅了解夠唔夠深入、對佢有冇耐性等

考驗：平時觀察、喜愛了解、情商，脾氣，耐性

解決方法：叫你揀係叫你企響佢角度揀，揀佢鐘意嘅嘢食，唔係揀你鐘意食嘅嘢，然後叫佢陪你食佢鐘意食嘅嘢，可有效降低輪迴時間。

女朋友亦會久唔久叫你估下係咩節日，當然大時大節你唔記得冇人幫到你，一段戀愛有啲事值唔值得慶祝，可能兩個人未必有共識，但突如其來嘅質詢就特首都會打個突，好多男人都對呢件事好大壓力，日日擔心女朋友會問呢個問題，的確，雞毛蒜皮都要慶祝就太過份，但對於可圈可點嘅事，估唔到點解話？

危險指數：好難攪

心態分析：女朋友會慶祝一啲雞毛蒜皮嘅事，因為佢在乎同你發生嘅細節經歷，佢希望你亦同樣在乎。

考驗：記憶力、觀察力、耐性、應變能力、創造力

解決方法：準備定啲小禮物，收埋響屋企啲鬼祟位，必要時叫女朋友去果度摷，佢就以為係你準備嘅驚喜，安全過關。補充，答案可能係女朋友屋企人嘅生日或者紀念日。

你睇下我今日有咩唔同？呢句野有聲你覺唔覺，女朋友唔係好經常問，但一問接近95%男士答唔到，眼耳口鼻、頭髮、手腳估哂，原來換左香水，飲恨而敗，女朋友想你每日都留意佢，咁你就唔會留意其他女人，亦因為佢太著緊你，好怕失去你嘅表現。

危險指數：都係好難攪

心態分析：女朋友認為只要男朋友對佢有足夠嘅觀察、上心，可以察覺女朋友每一個改變，若然你下下答唔到，都應該檢討下會唔會自己唔夠愛。

考驗：記憶力、觀察力、耐性、口才、演技

解決方法：叫你記住女朋友所有特徵再找不同一定無可能，咁你記得兩招，必要時會救你一命。

扮可憐：如果真係估唔到，你可以響觀察過程中不時皺下眉、擠下眼淚，扮下大工作壓力，轉移視線。
扮眼唔舒服：觀察過程中，突然右眼抽搐（扮），然後雙眼開始好乸痛，好乸好痛（都係扮），企圖激活女朋友同情心，要幫你滴眼藥水，成功甩身。

你錯咩？錯邊度？都係有聲，同樣係毁滅性問題，隨時要花一日，甚至更耐嘅時間解決，食餐飯可能開開心心，但隨時變天，你認錯冇用，你唔知自己錯咩件事一定完唔到，但背後嘅原因係因為唔想破壞自己響你心目中嘅形象，唔明？睇睇心態分析。

危險指數：真係十分好難攪

心態分析：女朋友因為某一件事嬲，發脾氣，果件事你可能冇咩印象，但如果女朋友因為一件響你眼中連印象都冇嘅事而嬲，咁咪即係變成你眼中嘅無事攪事？無理取鬧？除非你估到並為果件事道歉，變成果件事你都應該值得嬲，所以必須要你自己估到。

考驗：記憶力、觀察力、耐性

解決方法：雖然女朋友話嬲就嬲，但一定有跡可尋，你一定要有耐性，回想女友情緒轉變嘅前十五分鐘，你嘅所有行為、對話，大至𥄫女小至「UN腳」，逐個逐個估，緊記由小事估起希望中，否則你問佢係咪因為「𥄫女」？或係咪因為趁佢去廁所問隔離枱女仔攞電話等，自爆渣男行為，最後原來因為離開餐廳果時冇幫佢拉櫈，你就捉蟲。

HKfashop訂花
女人心，海底針，估唔到都好正常，不過男人一遇到估嘢就會興，因為預視未來嘅一段未知嘅時間都需要解決一件唔知要攪幾耐嘅事，當一個女人對你無理，脾氣大係因為你係唯一一個佢可以響你面前做自己嘅人，佢唔怕嚇走你，因為佢信任你可以包容佢，激嬲女朋友無話點樣一定氹得返，最緊要耐性及誠意，Hkfashop提提你，認錯道歉最好揀黃玫瑰、黃玫瑰花語是對不起，請求原是，以表歉意，講對唔住人人都識，但識買道歉花語嘅花係經過深思熟慮，有真誠道歉嘅態度，HKfashop 香港網上花店專營各類鮮花產品，想透過鮮花表達心意，歡迎隨時瀏覽我哋網站或者whatsapp我哋查詢訂購鮮花的詳情。